Álex Alonso Nogueira participa no encontro investigador Teatro galego e resistencia cultural 1936-1973, que vai ter lugar o 29 de abril na sala Carvalho Calero da Facultade de Filoloxía da Universidade da Coruña. A conferencia do investigador do ILG leva por título "Proceso a Castelao de López Veiga: teatro, censura e imaxinación política".
Programa
O curso QGIS para lingüistas, impartido por Xulio Sousa, está dirixido a estudantes, persoas graduadas e investigadoras interesadas no manexo de programas de visualización cartográfica de datos lingüísticos.
Manuel González González e Xulio Sousa participan con dous artigos no libro Geolingüística en la Península Ibérica, editado recentemente por Isabel Molina Martos e Pilar García Mouton.
O 29 de marzo e o 5 de abril, ás 16 horas, terán lugar na Facultade de Filoloxía as dúas sesións do seminario Falando coas máquinas. As tecnoloxías da fala na sociedade dixital, impartido por Carmen Magariños, investigadora do Proxecto Nós.
O Instituto da Lingua Galega organiza o seminario Violencia simbólica e represión sobre o libro O idioma galego baixo o franquismo, de Henrique Monteagudo, que terá lugar o vindeiro venres 25 de marzo, ás 12:30 horas, no salón de graos da Facultade de Filoloxía.
Xa está dispoñible para a a súa consulta o primeiro artigo, da autoría de Ana María Iglesias Álvarez e Virginia Acuña Ferreira, do número 14 da revista de publicación continua Estudos de Lingüística Galega (ELG).
Alba Aguete Cajiao, colaboradora do ILG, acaba de recibir o Premio extraordinario de doutoramento 2019-2020 da USC na área de artes e humanidades.
Andrea Santiso Arias, investigadora do ILG, recibiu o Premio á calidade lingüística en lingua galega do Servizo de Normalización Lingüística da USC.
Facundo Reyna-Muniain, profesor da Universidade de Kiel, ofrecerá a charla "Somos arxentinos, pero somos arxentinos un pouco de casualidade". Construción narrativa da identidade lingüística na diáspora en Buenos Aires o venres 4 de marzo, ás 12:30 h.
O proxecto de investigación Contacto, cambio lingüístico e ideoloxía en contextos de minorización lingüística oferta o Curso de transcrición con ELAN os días 23 de febreiro e 2 de marzo (modalidade en liña) e 24 de febreiro e 3 de marzo (modalidade presencial).
Instituto da Lingua Galega
Praza da Universidade, 4
15782 Santiago de Compostela
Teléfono: (+34) 881 812 815
ilgsec@usc.gal
