Está aberta unha nova oportunidade profesional no Proxecto Nós, que procura profesionais con experiencia en tecnoloxías lingüísticas e interese por contribuír ao futuro dixital da lingua galega. O prazo para a presentación de solicitudes está aberto ata o 1 de agosto de 2025.
Novedades
-
Destacado
Oferta de emprego no Proxecto Nós
25/07/25 -
Destacado
A diversidade dialectal do galego terá presenza no ecosistema dixital
22/07/25O Instituto da Lingua Galega, a través do Proxecto Nós, colaborou coa redacción do primeiro conxunto de preguntas dispoñibles para a recollida de fala espontánea en galego na plataforma colaborativa Common Voice.
-
Destacado
Nova publicación sobre a poesía popular oral co gallo das Letras Galegas
25/06/25A investigadora do ILG Ana Boullón edita e coordina o volume Canta ti, cantarei eu. A poesía popular oral, publicado por Edicións USC, co gallo do Día das Letras Galegas. Nel poden lerse os traballos dos membros do noso centro Antón Santamarina e María Álvarez de la Granja.
-
Destacado
Investigadoras do ILG na Xornada Con-Ciencia
16/06/25As investigadoras do ILG Marta Negro Romero e Reyes Rodríguez Rodríguez participaron o 16 de xuño na II Xornada de Experiencias Con-Ciencia co obradoiro Consigue o teu título de detective lingüístico. O alumnado de 1.º de bacharelato do IES Xulián Magariños de Negreira puido achegarse dun xeito lúdico á investigación lingüística do galego a través de distintos recursos en liña desenvoltos no ILG.
-
Destacado
Nova lista de difusión de CLARIAH-GAL
17/03/25CLARIAH-GAL, nodo galego de CLARIAH-ES coordinado polo Instituto da Lingua Galega e que conta coa colaboración do Centro Singular de Investigación en Tecnoloxías Intelixentes (CiTIUS) da USC, conta desde hai uns días cunha lista de difusión para informar sobre as novidades relacionadas coas infraestruturas europeas de investigación CLARIN e DARIAH e coas Humanidades Dixitais en xeral.
-
Congreso polo 50.º aniversario da Facultade de Filoloxía
26/11/25A Facultade de Filoloxía da Universidade de Santiago de Compostela organiza o Congreso Internacional Unha Filoloxía para o Século XXI. Pasado, Presente e Futuro. Linguas, Literaturas e Culturas, que terá lugar nas súas instalacións do 26 ao 28 de novembro de 2025, co gallo do 50.º aniversario da súa fundación. O prazo para o envío de propostas encóntrase aberto ata o 20 de xullo.
-
XXV Simposio Internacional do Atlas Linguistique Roman
19/06/25Santiago de Compostela acollerá por cuarta vez, do 18 ao 20 de xuño de 2025, as investigadoras e investigadores do Atlas Linguistique Roman (ALiR) no seu XXV Simposio Internacional. A xornada do xoves 18 encóntrase aberta ao público xeral e non é necesaria a inscrición previa para poder asistir.
-
Congreso Internacional 1950-2010: seis décadas de literatura e sociedade en Galiza
19/06/25O 19 e 20 de xuño de 2025 vai ter lugar na Facultade de Filoloxía da USC o Congreso Internacional 1950-2010: seis décadas de literatura e sociedade en Galiza, organizado por varios membros do Instituto da Lingua Galega. Ata o 8 de xuño encóntrase aberto o prazo de inscrición.
-
Visita de estudantes da Philipps-Universität Marburg
13/06/25O pasado 13 de xuño recibimos a visita dun grupo de estudantes de Filoloxía Hispánica da Philipps-Universität Marburg, que puideron coñecer o ILG e o traballo que se leva a cabo no centro.
-
Conferencia de Anik Nandi no ILG
11/06/25Anik Nandi, profesor da Woxsen University (India), ofrecerá o mércores 11 de xuño a conferencia Micropolíticas familiares e a cidadanía sociolingüística dos proxenitores galegos e vascos: ideoloxías, xestión e prácticas de revitalización lingüística. O evento, organizado polo Consello da Cultura Galega e o ILG, terá lugar lugar na sala de divulgación do noso centro ás 13 h.
