Novedades

  • Aberto o prazo de preinscrición dos XXXIV Cursos de lingua e cultura galegas "Galego sen fronteiras"
    05/04/24

    Os XXXIV Cursos de verán de lingua e cultura galegas para persoas de fóra de Galicia volverán reunir do 3 ao 29 de xullo en Santiago de Compostela estudantes de todo o mundo.

  • Parlamint finalista dos premios Digital Humanities Awards
    30/03/24

    O proxecto ParlaMint, que se desenvolve no marco de CLARIN, é finalista dos premios DH Awards na categoría “Best DH Datasets”. Ata o 30 de marzo é posible votar por este proxecto que conta coa participación do ILG.

  • Validatón no ILG
    21/03/24

    O 19 de marzo tivo lugar no ILG o Validatón -maratón de validación de fragmentos de voz- no que 30 estudantes da Facultade de Filoloxía da Universidade de Santiago de Compostela revisaron un total de 23.314 fragmentos de voz en lingua galega na plataforma Common Voice. O gañador do maratón foi Nicolás Acebedo Torrego, que recibiu un premio de 100 euros tras validar 1.299 fragmentos.

  • Validatón
    19/03/24

    O 19 de marzo terá lugar no ILG o Validatón, un maratón de validación de fragmentos de voz en galego doados a Common Voice que está aberto ao estudantado de todas as titulacións de Filoloxía (non é preciso ser especialista en galego). Haberá agasallos sorpresa para todas as persoas que validen, ademais dun gran premio de 100€ para o campión ou campioa, que se entregará ao final da xornada.

  • I Faladoiro con Carme Ríos Panisse
    09/03/24

    O Día Internacional da Muller a Comisión de Xénero e Igualdade do ILG inaugurou o Ciclo de conversas coas mulleres do ILG cun faladoiro con Carme Ríos Panisse, unha das primeiras investigadoras do centro.

  • Miguel García Fernández e Ricardo Pichel editan unha obra sobre San Paio de Antealtares
    04/03/24

    Os colaboradores do ILG Miguel García-Fernández e Ricardo Pichel son os editores da obra Desde San Paio de Antealtares. Historia, patrimonio e vida monástica, coeditada polo Consorcio de Santiago e Alvarellos Editora.
     

  • Membros do ILG na reunión de ILENIA
    24/02/24

    Os membros do Instituto da Lingua Galega Francisco Dubert, Elisa Fernández Rei e Carmen Magariños, xunto a investigadores do CiTIUS da Universidade de Santiago de Compostela, representaron o Proxecto Nós na reunión organizada polo proxecto ILENIA o 22 e 23 de febreiro no campus de Gipuzkoa da Universidade do País Vasco. 

  • Curso de Excel para Lingüistas
    20/02/24

    Neste curso, impartido pola docente da Facultade de Matemáticas M.ª José Ginzo Villamayor os días 20, 27 e 29 de febreiro no ILG, preténdese explicar as diferentes funcións existentes na folla de cálculo Excel para automatizar traballos que permitan a preparación de datos para a súa análise estatística.

  • O Proxecto Nós lanza a campaña Doa a túa voz
    01/02/24

    O Proxecto Nós lanzou unha campaña de doazón de voz para recoller as variedades fonéticas e dialectais de Galicia co obxectivo de afianzar a plena presenza activa do galego no ámbito das novas ferramentas de Intelixencia Artificial. As contribucións poden facerse de xeito telemático a través do espazo web doagalego.nos.gal creado para esta iniciativa.

  • Visita e café con Víctor Bargiela Zotes
    30/01/24

    O 30 de xaneiro, ás 11:30 h, terá lugar unha nova Visita e café con Víctor Bargiela Zotes, da Universidade Nacional de Educación a Distancia (UNED).

Páginas