Validatón 2025: axúdanos a impulsar a tecnoloxía da fala en galego!
Data inicio:
luns, Marzo 31, 2025 - 00:00
Data fin:
xoves, Abril 10, 2025 - 20:00
Lugar:
Instituto da Lingua Galega (USC)
Poster:
Descrición:
O Validatón 2025 é unha competición aberta ao alumnado das titulacións de Filoloxía en que poderá contribuír á creación de recursos para o galego en Common Voice. Non é preciso ser especialista en galego, só ter vontade de colaborar!
Common Voice é unha plataforma pública de datos de voz alimentada por persoas voluntarias de todo o mundo que doan a súa voz e tamén contribúen avaliando como válidas ou non as doazóns feitas por outras persoas. O obxectivo deste proxecto colaborativo é crear grandes corpus de datos orais que poidan ser empregados para adestrar modelos de recoñecemento da fala en distintas linguas, entre elas o galego.
Recoñecemento académico: suma un crédito mentres colaboras!
A túa participación no Validatón 2025 non só axuda a mellorar a tecnoloxía da fala en galego, senón que tamén pode contar para o recoñecemento dun crédito ECTS dentro da convocatoria da USC para a recollida e validación de datos de voz en galego. Se queres saber máis sobre como validar a túa participación, consulta os requisitos específicos da actividade nesta ligazón.
Como funciona?
A competición terá dúas fases:
-
Fase en liña (31 de marzo - 10 de abril ás 12 h): poderás participar dende calquera lugar, realizando contribucións na plataforma de Common Voice.
-
Fase presencial (10 de abril das 16 ás 20 h): sesión presencial no Instituto da Lingua Galega (ILG) cunha actividade para Common Voice, merenda e entrega de premios!
Poderás competir en tres categorías
- Gravación de fragmentos de voz
-
Validación de audios
-
Xeración de frases
Premios e recoñecementos
-
Haberá un premio para a persoa gañadora de cada categoría.
-
A persoa con máis contribucións totais será recoñecida como campioa global.
-
Todas as persoas participantes recibirán un agasallo.
-
A entrega de premios terá lugar no ILG ao rematar a fase presencial.
Como participar?
-
Inscríbete previamente a través do formulario (dispoñible ata as 12:00 h do 10 de abril).
-
Crea unha conta en Common Voice se aínda non a tes.
-
Grava e valida audios ao longo do período da competición en liña.
-
O 10 de abril ven ao ILG armado de creatividade para escribir frases que melloren a diversidade de Common Voice!
Comparte a túa experiencia nas túas redes sociais co cancelo #ValidatónILG25 e únete a este reto para darlle máis futuro ao galego!
Descargas:
