Entrevista á directora do ILG

Elisa Fernández Rei ofreceu unha entrevista ao xornal Nós Diario con motivo do seu recente nomeamento como directora do Instituto da Lingua Galega. Nela fala sobre como afronta a súa chegada á dirección dun centro con 52 anos de historia, a situación deste como instituto de investigación universitario e as propostas que se levarán a cabo nesta nova etapa, ademais de comentar a situación sociolingüística existente, ao respecto do que comenta:

"No caso do ILG, debemos traballar nun maior coñecemento exterior do centro e do que realizamos. Queremos estabelecer un diálogo máis fluído co sector educativo. A idea é transferir máis coñecemento e atender as súas demandas. Temos unha responsabilidade na situación do galego e debemos contribuír na medida en que poidamos".