Juan Manuel Fustes Nario

Juan Manuel Fustes Nario (Montevideo, 1981) é profesor asistente nas áreas de lingüística e de ensino da lingua italiana na Facultade de Humanidades e Ciencias da Educación da Universidade da República (Montevideo).

Dedicouse durante máis dunha década ao ensino da lingua italiana no nivel secundario da educación pública uruguaia e no ensino privado (Società Dante Alighieri). Dende o ano 2006 integrou grupos e liñas de investigación relacionadas co ensino e a aprendizaxe de linguas. Nesa área, colaborou especialmente co estudo da realidade lingüística do Uruguai lusofalante e coa historia e as concepcións teóricas que rexeron o ensino da lingua italiana no mesmo país. Dende o ano 2007 publicou diversos artigos nos campos das políticas lingüísticas, da historia das ideas lingüísticas e das dimensións teóricas do ensino de linguas.

En 2016 concluíu a súa tese de mestrado sobre as concepcións teóricas do ensino da primeira lingua no Uruguai no período 1920-1970 e recentemente (agosto de 2023) entregou a sua tese de doutoramento sobre as posibilidades de considerar teoricamente o ensino de linguas a partir da releitura dos textos de Ferdinand de Saussure.