Lingua, patrimonio e coñecemento tradicional

Investigadora principal: 
Rosario Álvarez Blanco
Membros do equipo: 
María Álvarez de la Granja
Ernesto X. González Seoane
Marta Negro Romero
Xulio Sousa Fernández
Sónia Valente Rodrigues
José Barbosa Machado
Descrición: 

O programa Lingua, patrimonio e coñecemento tradicional é unha acción do plan Proxecta, promovido pola Consellería de Cultura, Educación e Ordenación Universitaria da Xunta de Galicia. Ese programa está integrado no proxecto GEOARPAD, enmarcado no programa operativo EP-INTERREG V A España-Portugal (POCTEP). 

A intención do programa Lingua, patrimonio e coñecemento tradicional é achegar o alumnado dos centros participantes ao coñecemento da cultura local e tradicional, xa que pola súa idade acostuma a mostrar menos interese ou a ter menos contacto con ela. A finalidade desta acción é promover a documentación e análise dun corpus de material léxico vinculado con actividades da cultura patrimonial, prestándolle especial atención ao vocabulario relacionado con aquelas actividades e saberes que se perderon ou están en proceso de desaparición debido ás profundas mudanzas económicas e sociais das últimas décadas.

Os obxectivos específicos que se procuran son:

  • Reflexionar sobre a importancia do coñecemento e mantemento do patrimonio cultural e lingüístico.
  • Recoller léxico patrimonial no medio en que vive o alumnado.
  • Organizar e analizar a información obtida no proceso de aprendizaxe.
  • Realizar traballos de investigación co léxico recollido para coñecer o patrimonio antropolóxico, lingüístico, xeográfico, histórico e artístico do contorno do centro.
  • Divulgar os resultados do proceso de aprendizaxe entre a comunidade educativa.

 

Imaxe: 
Data de execución: 
2017
Financiamento: 
Proxecto cofinanciado ao 75% na 1ª convocatoria do programa operativo INTERREG V A España Portugal (POCTEP) 2014-2020 a través do Fondo Europeo de Desenvolvemento Rexional (FEDER) da Unión Europea. Código: 0358_ GEOAPARD_1_E.
Recursos: 
Páxina web
Ficha técnica

Publicacións relacionadas

  • "Falando é como se aprende. O programa Língua, património e conhecimento tradicional"
    Marta Negro Romero (2021): IV Simpósio ProfLetras-USP e I Seminário Internacional ProfLetras-USP, Universidade de São Paulo, 26 e 27 de agosto de 2021 - Presentación
  • "Traballar con léxico nas aulas: o programa Lingua, patrimonio e coñecemento tradicional"
    Marta Negro Romero / Sónia Valente Rodrigues (2019): Simposio ILG 2019: Lingua, patrimonio e coñecemento tradicional, Santiago de Compostela, 5-7 de novembro de 2019 - Presentación
  • "Língua, patrimonio e conhecimento tradicional"
    José Barbosa Machado / Marta Negro Romero (2019): Encontro Científico e Apresentação de Resultados: O Caminho Português interior de Santiago de Compostela, Vila Real (Portugal), Universidade de Trás-os-Montes e Alto Douro,10 de xaneiro de 2019 - Presentación
Ver todas as publicacións