Curso de QGIS para lingüistas

As tecnoloxías dos Sistemas de Información Xeográfica (SIX-GIS) son ferramentas que lles permiten ós usuarios visualizar, analizar, interpretar e comprender datos para revelar relacións, patróns e tendencias, cun alcance xeográfico. Os datos lingüísticos adáptanse ben á exploración con ferramentas SIX. Neste curso proporcionaremos instrucións detalladas sobre o uso dunha ferramenta SIX específica, o produto gratuíto de código aberto QGIS, para diversas aplicacións de investigación lingüística. A parte principal do taller dedicarase á descrición de varias funcións dispoñibles dentro de QGIS, cun enfoque específico nas ferramentas que son máis beneficiosas na investigación lingüística. As persoas participantes recibirán unha guía rápida con referencia ás ferramentas discutidas.

As persoas participantes poderán tentar algunhas análises preliminares dun conxunto de datos, para o que deben vir preparadas cunha computadora portátil, na que xa se instalou QGIS (http://www.qgis.org/en/site/forusers/download.html). Non se requiren coñecementos previos de tecnoloxías SIX, pero será beneficioso ter dominio das habilidades informáticas básicas de escritorio (procesador de textos, follas de datos, bases de datos, etc.) e interese en adquirir novas habilidades para a investigación nunha contorna computacional. 

O curso ten como propósito ofrecer unha introdución ó emprego destas ferramentas de análise espacial para o deseño de mapas e para a visualización da variación espacial. Nas catro sesións ofrecerase unha introdución á visualización de datos lingüísticos, ó tratamento dos datos para a súa representación e ó manexo do programa QGIS.