Marta Negro Romero

Marta Negro Romero é licenciada en Filoloxía Galega pola Universidade de Santiago de Compostela. Está vinculada ao ILG desde o ano 2002, onde traballou nos proxectos Atlas Lingüístico Galego; Análise dialectométrica dos datos do Atlas Lingüístico Galego; Edición e elaboración dos materiais galegos do ALPI (Atlas Lingüístico de la Península Ibérica), e Variación y cambio en los dominios gallego y portugués en el siglo XX: análisis del habla rural a partir de materiales geolingüísticos.

Entre os anos 2004 e 2008 foi docente do Departamento de Linguística Geral e Românica e colaboradora da Cátedra de Estudos Galegos da Faculdade de Letras da Universidade de Lisboa.

Actualmente, é técnica de xestión no ILG, ademais de investigadora nos proxectos DOA. Dialectoloxía cidadá; Tesouro do léxico patrimonial galego e portugués e Patrimonio léxico da Gallaecia. Realiza a súa tese de doutoramento sobre o tema Variación e cambio lingüístico no galego contemporáneo: o léxico do corpo humano baixo a dirección de Francisco Dubert García e Rosario Álvarez Blanco. O seu labor investigador está ligado á variación dialectal e ao cambio lingüístico, así como á lexicografía, áreas en que conta con diversas publicacións.