Novidades

Elisa Fernández Rei, nova directora do ILG

03/06/23

O pasado 30 de maio Elisa Fernández Rei foi nomeada nova directora do ILG. Estará acompañada na secretaría por María Álvarez de la Granja, quen xa desempeñou o cargo de secretaria durante a dirección de Xosé Luís Regueira.
Persoas premiadas no test perceptivo

02/06/23

O día 1 de xuño, ás 16 h, tivo lugar no ILG o sorteo de dúas tarxetas regalo entre as persoas participantes no test perceptivo realizado por Alba Aguete Cajiao e Elisa Fernández Rei. As gañadoras son mariabe e rhernandezarias.
Presentación do libro de Pablo García Martínez

01/06/23

Pablo García Martínez presenta o 1 de xuño o seu libro Alguén virá... Romanticismo, memoria e revolución na literatura de Luis Seoane, editado por Laiovento. O acto terá lugar na libraría Couceiro de Santiago de Compostela, ás 19:30 h.
Participa nun test perceptivo

31/05/23

Saberías dicir se unha persoa é falante nativa escoitándolle só unha frase? A túa participación neste test perceptivo ata o día 31 de maio pode ter premio.
Dous contratos de investigación no ILG

24/05/23

Na Convocatoria Pública Ordinaria 5/2023 convócanse dous contratos a tempo parcial para traballar no ILG durante seis meses. O prazo de presentación de solicitudes remata o día 24 de maio ás 23:59 h.
Libro sobre a lingua de Viana do Bolo

12/05/23

A colaboradora do ILG Concepción Álvarez Pousa acaba de dar ao prelo o libro A lingua de Viana do Bolo. Descrición e textos, onde nos achega ás características lingüísticas deste concello ourensán.
Visita de alumnado do IES Castelao

09/05/23

O día 20 de abril visitou o ILG o alumnado de 3.º da ESO do IES Castelao de Vigo para coñecer a nosa historia e algúns dos proxectos que se están a desenvolver no centro.
ELG sobe para Q3 no Scimago Journal & Country Rank

05/05/23

SCImago Research Group acaba de publicar os indicadores SCImago Journal Rank (SJR) correspondentes a 2022. A revista Estudos de Lingüística Galega subiu para o cuartil Q3.
Novo artigo de Henrique Monteagudo

04/05/23

O investigador do ILG Henrique Monteagudo é coautor xunto a Joan Costa Carreras, da Universitat Pompeu Fabra, e Miren Azkarate, da Universidade do País Vasco, do artigo "Estandarología comparada entre lenguas de España: el concepto de estándar en la normativización lingüística académica”.
Xornadas sobre dispoñibilidade léxica

04/05/23

As investigadoras do ILG María Álvarez de la Granja e Clara Lago Caamaño participan nas III Jornadas Científicas sobre la Investigación en Disponibilidad Léxica. La variación léxica, que teñen lugar na Universidade de Málaga o 4 e 5 de maio.